← Ach ní hionann sin agus a rá nach mbíonn siad suas chun dáta le cúrsaí nuachta agus le scéalta an lae. 🔊
← In áit páipéar nuachta a fháil mar chóip chrua is féidir é a fháil mar chóip dhigiteach ar phraghas níos ísle agus é ar d'fhón nó ar pé scáileán atá agat a luaithe agus a bhíonn sé scríofa ag an iriseoir. 🔊
← Níl aon mhaitheas a bheith ag teacht leis na fíricí loma níos mó. 🔊
← Is é cúram an iriseora anois ná dath a chur ar an scéal nó, b'fhéidir, cosa a chur faoi ionas go mbeidh sé nuálach agus tarraingteach do lucht a léite. 🔊
← Ar ndóigh, cuireann gach nuachtán nó iris a dhath nó a chlaonadh féin ar na scéalta agus is faoin léitheoir a fhágtar é chun a chiall féin a bhaint as. 🔊
← Ní mór idirdhealú a dhéanamh idir scéalta pearsanta agus scéalta pobail. 🔊
← Uaireanta ní bhíonn iontu ach cur i gcéill chun ráflaí mailíseacha a scaipeadh nó chun bolscaireacht a dhéanamh in ainm na fírinne. 🔊
← Ní gá dúinn ach féachaint ar pholaitíocht na Stát Aontaithe chun é seo a chur ar ár súile dúinn. 🔊
← Ach, fós féin, más tapaidh agus saoráideach a fhaighimid ár nuacht ní mór dúinn gan a bheith leisciúil faoi ach féachaint go géar ar na foinsí as a dtagann sí agus ár n-intinn féin a dhéanamh suas dá réir. 🔊
← Tá an córas daonlathach tábhachtach dúinn agus tá sé de chumhacht ag na meáin chumarsáide nua-aimseartha é a neartú nó é a scrios. 🔊
← Is den riachtanas é go gcuirfí oideachas ar an aos óg agus ar an bpobal i gcoitinne chun go mbeidh siad ábalta na meáin a cheansú agus tairbhe a bhaint astu. 🔊